لعبة الصراحة كل واحد عايز يسأل عضو سؤال يكتبه هنا ؟

اية رايكم في لعبة بس محرجة ومضحكة في نفس الوقت

اسمها لعبة محرجة

وبتعتمد على ان كل واحد لما يدخل هنا فى الموضوع ده

يكتب سؤال محرج جدا ( انت وشطارتك) للعضو اللى بعدك

والعضو اللى يجي بعدك يجاوب الاول على السؤال قبل ما يسأل العضو اللى بعده
سؤال محرج تانى
وكده

بس فى شرط وحيد

ان اللى يدخل على الموضوع مينفعش يخرج منه قبل ما يجاوب على السؤال الاول وبعدين بحط سؤاله

اوك ولا اية

.هبدا انا اوكي السؤال الاول

أيه أكتر خناقه أضربت فيها ؟

لما كنت فى الثانوى كان فى خناقة على بنات انا وواحد صحبى وخت علقة ميخدهاش حمار فى مطلع
اسئلك انا بقى
هل فى يوم خدت الم من بنت من البنات فى يوم من الايام

عمرها ما حصلت

السؤال بقي مين اكتر حد اثر في شخصيتك ؟؟؟؟

الله يالحداد انا هكلم معاك بجد انا اكتر حد اثر فى شخصيتى هو انــــــــــــــــا ومحدش تانى لان انا حبيت اتعلم كل حاجة لوحدى محبتش اسمع من حد اى كلام عشان معرفش اذا كان الكلام ده صح ولا لاء وعلى العموم انا احب اسأل العضو الى بعدى
مين اكتر حد تخاف منه فى الحياة ؟

بص يا جوكر اكتر انسان بخاف منه بعد ما جربت الشخص الحاسد

انا مكنتش مصدق ان في ناس بتحسد بس صدقت بجد بعد ما جربت

وحتقولي عرفت ازاي الشخص اللي حسدني بدون ذكر اسماء قالي في وشي

" انا بحسدك "

وتأثيرها ظهر علطول الظاهر سره باتع

سؤالي للي بعدي بقي

اذا خيروك تعيش في زمن غير الزمن اللي احنا فيه تختار انهي زمن ؟؟ وليه اختارت الزمن ده ؟؟

انا عن نفسى اختار الزمن الى انا فيه عشان انا معرفش لو كنت فى زمن تانى كان هيبقى شكلى ايه
وعلى العموم كل زمن فى المشاكل بتاعته واحنا لازم نعيشها عشان كده الى تعرفه احسن من الى متعرفوش
وسؤالى دلوقتى سؤال محرج شوية كل واحد عنده قصة حب يحكيها بصراحة ؟

ملقتش غير السؤال دة على حظى عموما انا قصتى انت عارفة منيلة بستيييييييييييييييين نيلة اخرتها خيانة ومش عارفة اية اللى حيحصل

انا اسفة نسيت السؤال خنت حبيبتك او حبيبك كااااااااااااااااااااااااااااااااااااام مرة؟

والله انا ممكن اخون فى حاله واحده بس لو هى خيانة
العين بالعين والسن بالسن والبادى اظلم

بس دة مش رد
خنت ولا لااااااااااااااااااااااااااااااااااااااا؟

خنت لما خانت ما انا قولت هى قصة

فين السؤااااااااااااااااااااااااااااااااااااال يا جوكر

معلش نسيت وهقول السؤال
تعمل ايه لو معاك جواز سفر اول بلد تسافر عليه وليه؟

بص يا سيدي اول بلد حسافر عليها هي استراليا

ليه بقي علشان بصراحه حبيبتي عاوزه تسافر تعيش هناك

اه سوري نسيت السؤال

السؤال هو : احنا ليه دايما بنقابل الناس الصح في الوقت الغلط

عشان احنا صح فى وقت غلط او غلط فى وقت صح

السؤال بقى اية اللى نفسك يكون فى حبيبك ومش لقية؟

طيب فين السؤال يا ساسو بقى
انتى نسيتى ولا ايه

الى نفسى يكون فى حبيبى ومش لقيه
هو حبيبى ذات نفسه عشان معنديش
السؤال ليه دايما الحب الأول ما بيدومش ؟